དམངས་ཡོངས་ཀྱི་རྒྱལ་ཁབ་བདེ་འཇགས་སློབ་གསོའི་ཉིན་མོ་ཐེངས་དགུ་པ་སླེབ་ལ་ཉེ་བའི་སྐབས་སུ། རྒྱལ་ཁབ་བདེ་འཇགས་ལས་ཁུངས་ཀྱིས་ཚེས14ཉིན་དཔེ་མཚོན་གྱོད་གཞི5ཁྱབ་བསྒྲགས་བྱས་ཏེ། སྤྱི་ཚོགས་ཡོངས་ཀྱིས་རྒྱལ་ཁབ་བདེ་འཇགས་འདུ་ཤེས་མཐོར་འདེགས་སུ་གཏོང་བ་དང་། གསང་མྱུལ་ལ་ངོ་རྒོལ་བྱེད་པར་འབོད་སྐུལ་བཏང་།
གྱོད་དཔེ་ལྔ་པ།
རང་འགུལ་ངང་རྒྱལ་ཁབ་བདེ་འཇགས་ལ་སྲུང་སྐྱོང་བྱེད་པ་ནི་སྤྱི་དམངས་སོ་སོའི་བཅའ་ཁྲིམས་འོས་འགན་ཡིན་ལ། བསམ་བཞིན་དུ་རྒྱལ་ཁབ་བདེ་འཇགས་ལས་ཁུངས་ཀྱི་ཁྲིམས་ལྟར་ཁྲིམས་འཛིན་ལས་འགན་ལག་བསྟར་ལ་བཀག་འགོག་བྱས་པར་ཁྲིམས་ལུགས་ཀྱི་འགན་འཁྲི་བདའ་འདེད་བྱ་དགོས། ཉེ་ལམ། རྒྱལ་ཁབ་བདེ་འཇགས་ལས་ཁུངས་ཀྱིས་ཀྲུང་གོར་སྡོད་པའི་ཕྱི་རྒྱལ་གྱི་ལས་ཁུངས་ག་གེ་མོའི་གླ་པས་བསམ་བཞིན་དུ་རྒྱལ་ཁབ་བདེ་འཇགས་ལས་ཁུངས་ཀྱི་ཁྲིམས་འཛིན་ལག་བསྟར་ལས་འགན་ལ་བཀག་འགོག་བྱས་པའི་བྱ་སྤྱོད་ལ་སྲིད་འཛིན་ཁྲིམས་ཆད་བཅད།
ཀྲུང་གོར་སྡོད་པའི་ཕྱི་རྒྱལ་གྱི་ལས་ཁུངས་ག་གེ་མོས་ཀྲུང་གོའི་གླ་པ་ཧྥུའུ་ཆེ་གེ་མོས་རྒྱལ་ཁབ་བདེ་འཇགས་ལས་ཁུངས་ཀྱིས་ཁྲིམས་ལྟར་རྩད་འདྲི་བྱེད་པའི་སྐབས་སུ། གཏན་འཁེལ་ས་ཚིགས་སུ་གྲོས་འདྲི་བྱེད་པར་མི་འགྲོ་བར། འབྲེལ་མེད་མི་སྣར་རྒྱལ་ཁབ་བདེ་འཇགས་ལས་ཁུངས་ཀྱི་ཁ་བརྡ་གནས་ཚུལ་ཕྱི་སྒྲོག་བྱས་ཤིང་། ཕྱི་རྒྱལ་གྱི་མི་སྣ་དང་འབྲེལ་ནས་རྒྱལ་ཁབ་བདེ་འཇགས་ལས་ཁུངས་ཀྱི་ཁྲིམས་འཛིན་ལ་ཐེ་གཏོགས་བྱས་ཤིང་། བསམ་བཞིན་དུ་རྒྱལ་ཁབ་བདེ་འཇགས་ལས་ཁུངས་ཀྱིས་ཁྲིམས་ལྟར་ལས་འགན་ལག་བསྟར་བྱེད་པར་བཀག་འགོག་བྱས། རྒྱལ་ཁབ་བདེ་འཇགས་ལས་ཁུངས་ཀྱི་ཉེན་རྟོག་མི་སྣས་ཁྲིམས་འཛིན་ཟིན་བཀོད་འཕྲུལ་ཆས་སྤྱད་དེ་ཧྥུའུ་ཆེ་གེ་མོས་བསམ་བཞིན་དུ་ཁྲིམས་འཛིན་ལ་བཀག་འགོག་བྱས་པའི་བདེན་དཔང་ཉར་ནས《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་གསང་མྱུལ་ལ་རྒོལ་བའི་བཅའ་ཁྲིམས》ཀྱི་འབྲེལ་ཡོད་གཏན་འཁེལ་ལ་གཞིགས་ཏེ། ཁོར་ཉིན15ཡི་སྲིད་འཛིན་བཀག་ཉར་གྱི་ཁྲིམས་ཆད་བཅད།