དམངས་ཡོངས་ཀྱི་རྒྱལ་ཁབ་བདེ་འཇགས་སློབ་གསོའི་ཉིན་མོ་ཐེངས་དགུ་པ་སླེབ་ལ་ཉེ་བའི་སྐབས་སུ། རྒྱལ་ཁབ་བདེ་འཇགས་ལས་ཁུངས་ཀྱིས་ཚེས14ཉིན་དཔེ་མཚོན་གྱོད་གཞི5ཁྱབ་བསྒྲགས་བྱས་ཏེ། སྤྱི་ཚོགས་ཡོངས་ཀྱིས་རྒྱལ་ཁབ་བདེ་འཇགས་འདུ་ཤེས་མཐོར་འདེགས་སུ་གཏོང་བ་དང་། གསང་མྱུལ་ལ་ངོ་རྒོལ་བྱེད་པར་འབོད་སྐུལ་བཏང་།

གྱོད་དཔེ་བཞི་པ།

ཉེ་བའི་ལོ་འགའི་རིང་། ཕྱི་རྒྱལ་གྱི་ཀྲུང་གོར་ངོ་རྒོལ་བྱེད་མཁན་སྟོབས་ཤུགས་ཀྱིས་མཉམ་སྦྲེལ་དྲ་བ་སོགས་ཀྱི་ཐབས་ལམ་བེད་སྤྱད་དེ་རྒྱལ་ནང་གི་མི་སྣར་འདུ་ཤེས་འཛིན་སྟངས་དང་། རྒྱལ་ནང་གི་ཚ་གནད་དོན་རྐྱེན་འུད་སྒྲོག་ལོག་བཤད་བྱས་ཏེ། རང་རྒྱལ་གྱི་ཆབ་སྲིད་ལམ་ལུགས་ལ་སྐུར་འདེབས་དང་དམའ་འབེབས་བྱས། ན་གཞོན་སློབ་མ་མི་ཉུང་བ་ཞིག་ལ་ངན་སྐུལ་བསླུ་བྲིད་ཐེབས་ནས། སྟབས་མ་ལེགས་པར་ཕྱི་རྒྱལ་གྱིས་ཀྲུང་གོར་ངོ་རྒོལ་བྱེད་མཁན་སྟོབས་ཤུགས་ཀྱི་ལག་ཆར་གྱུར་ཡོད།

ཉེ་ཆར། རྒྱལ་ཁབ་བདེ་འཇགས་ལས་ཁུངས་ཀྱིས་བདེ་བླག་ངང་ཕྱི་རྒྱལ་གྱི་ཀྲུང་གོར་ངོ་རྒོལ་བྱེད་མཁན་སྟོབས་ཤུགས་ཀྱིས་མཐོ་རིམ་སློབ་གྲྭ་ག་གེ་མོའི་སློབ་མ་བྱ་འགུལ་ནང་ཞུགས་པར་བསླུ་བྲིད་བཏང་བའི་དཔེ་མཚོན་གྱོད་གཞི་ཞིག་གཏོར་བ་དང་། ཕྱི་རྒྱལ་གྱི་ཀྲུང་གོར་ངོ་རྒོལ་བྱེད་མཁན་སྟོབས་ཤུགས་ཀྱི་སིམ་འཛུལ་སྐུལ་སློང་གི་བྱ་འགུལ་ལ་ཤུགས་དང་ལྡན་པར་རྡུང་རྡེག་བཏང་སྟེ། དུས་ལྟར་མངོན་མེད་རྐྱེན་ངན་སེལ་ཡོད། རྒྱལ་ཁབ་བདེ་འཇགས་ལས་ཁུངས་ཀྱིས་བྱ་བའི་ཁྲོད། རྒྱལ་ནང་གི་མཐོ་སློབ་ག་གེ་མོའི་སློབ་མ་སུང་ཆེ་གེ་མོས་ཡ་མཚན་འཚོལ་ཐབས་ཀྱི་སེམས་ཁམས་ལ་བརྟེན་ནས། དྲ་རྒྱའི་ཐོ་འགོད་བྱས་པ་བརྒྱུད། ཕྱི་རྒྱལ་རྩ་འཛུགས་ག་གེ་མོའི་ཁོངས་མི་གཙོ་བོས་ཁོར་འབྲེལ་ཡོད་བཀའ་རྒྱ་བཏང་། སུང་ཆེ་གེ་མོས་དུས་ཡུན་རིང་པོར་ཕྱི་རྒྱལ་གྱི་ཀྲུང་གོར་ངོ་རྒོལ་བྱེད་པའི་དྲ་ཚིགས་ལ་བལྟས་པར་མ་ཟད། འབྲེལ་ཡོད་དྲ་ཚིགས་ལ་ཀྲུང་གོའི་ལྡོག་ཕྱོགས་བརྙན་པར་རྒྱུ་ཆ་མཁོ་འདོན་བྱས།

2023ལོའི་ཟླ7པར། རྒྱལ་ཁབ་བདེ་འཇགས་ལས་ཁུངས་ཀྱིས་ཁྲིམས་ལྟར་སུང་ཆེ་གེ་མོར་སྲིད་འཛིན་རྩད་འདྲི་བྱས་པ་དང་། 《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་གསང་མྱུལ་ལ་རྒོལ་བའི་བཅའ་ཁྲིམས》ཀྱི་འབྲེལ་ཡོད་གཏན་འཁེལ་ལ་གཞིགས་ཏེ། སུང་ཆེ་གེ་མོར་ཐ་ཚིག་སྒྲོག་པའི་ཆད་པ་བཅད་པར་མ་ཟད་སྲིད་འཛིན་ཁྲིམས་ཆད་ཐག་གཅོད་ཡི་གེ་སྤྲད། སྐྱོན་བརྗོད་སློབ་གསོ་བྱས་པ་བརྒྱུད། སུང་ཆེ་གེ་མོས་རང་ཉིད་ཀྱི་བྱ་སྤྱོད་ལ་འགྱོད་གཤགས་ཟབ་མོ་བྱས་ཏེ། རྗེས་ཕྱོགས་སུ་འདིའི་རིགས་ཀྱི་འགུལ་སྐྱོད་མི་སྤེལ་བའི་དམ་བཅའ་བཞག