འདི་ག་ཚགས་པར་ཁང་དུ་ལྷ་ས་ནས་ཟླ་8ཚེས་26ཉིན་གནས་ཚུལ་འབྱོར་གསལ།　རང་སྐྱོང་ལྗོངས་མི་དམངས་སྲིད་གཞུང་གིས་གཙོ་གཉེར་བྱས་པའི་ཀྲུང་ཧྭ་ཡི་ཞིམ་ཟས།　བོད་ལྗོངས་ཀྱི་བྲོ་བ་ཞེས་པའི“ལྗགས་སྨིན་ཞིམ་ཟས”རྒྱུན་འཛིན་དང་གསར་གཏོད་ཀྱི་འགྲན་བསྡུར་ཆེ་མོའི་ལྷ་སའི་གྲ་སྒྲིག་འགྲན་བསྡུར་ཚེས་26ཉིན་སྣེའུ་ཁུལ་གསར་རུང་ཡའོ·ལྷ་ས་INརུ་གཟབ་རྒྱས་ངང་འགོ་ཚུགས་པ་རེད།

གྲ་སྒྲིག་འགྲན་བསྡུར་ནང་ཁྱོན་བསྡོམས་རུ་ཁག་12ཞུགས་ཡོད་པ་དང་།　འགྲན་ཞུགས་བདམས་ཐོན་པ་ནི་ཡུལ་དེའི་སྐར་མ་རིམ་པའི་གསོལ་མགྲོན་ཁང་དང་།　ཁྱད་ལྡན་བཟའ་བཏུང་།　ཁྱད་ལྡན་ཞིང་ཁྱིམ་སྤྲོ་སྐྱིད་ཁང་བཅས་ཀྱི་མ་བྱན་ཡིན་པ་རེད།

ད་རེས་ཀྱི་འགྲན་བསྡུར་ཆེ་མོའི་དམིགས་ཡུལ་ནི་རང་ལྗོངས་ཀྱི་ཁྱད་ལྡན་བཟའ་བཏུང་གི་ཐོན་ཁུངས་བསྡུ་སྒྲིལ་བྱས་ཏེ།　འགྲན་བསྡུར་ལས་སྟེགས་སུ་བྱས་ནས་བོད་ཀྱི་ཞིམ་ཟས་འོས་སྦྱོར་ཡག་པོ་བྱས་ཏེ་རང་ལྗོངས་ཀྱི་བཟའ་བཏུང་འཛད་སྤྱོད་མང་དུ་འགྲོ་བར་སྔར་བས་སྐུལ་ཁྲིད་དང་།　ལྗོངས་ཡོངས་ཀྱི་བཟའ་བཏུང་ཐོན་ལས་ཀྱི་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་གཏོང་རྒྱུ་ཡིན་པ་རེད།　

རྒྱལ་ཁབ་ཀྱི་རླུང་ཁམས་ཆེ་མོ