བྱིས་པའི་དུས་ཆེན་གྱི་ཡོངས་ཁུངས།

藏区医学常识平台 2022-06-01 08:27

འཛམ་གླིང་བྱིས་པའི་དུས་ཆེན་ནི་བྱིས་པའི་ཐོབ་ཐང་དྲན་གསོ་དང་བྱིས་པར་མནར་གཅོད་གཏོང་བའི་བྱ་སྤྱོད་སོགས་ལ་ངོ་རྒོལ་ཆེད་སྲུང་བརྩི་བྱེད་པའི་དུས་ཆེན་ཞིག་ཡིན།

1925 ལོར་སུའེ་ཙེར་(Switzerland)རྒྱལ་ཁབ་ཏུ་ཚོགས་པའི་བྱིས་པའི་ཕན་བདེ་དང་འབྲེལ་བའི་རྒྱལ་སྤྱིའི་གྲོས་ཚོགས་སྟེང་རྒྱལ་སྤྱིའི་བྱིས་པའི་བདེ་སྐྱིད་སྐུལ་སྤེལ་ཚོགས་པས་འཛམ་གླིང་རྒྱལ་ཁབ་ཡོངས་ཀྱིས་བྱིས་པའི་རྗེས་དྲན་ཉིན་མོ་ཞིག་གཏན་ཁེལ་བྱ་དགོས་པའི་གྲོས་གཞི་ཐོག་མར་བཏོན་ཞིང་རྒྱལ་ཁབ་མང་པོས་འདི་ལ་རྒྱབ་སྐྱོར་ཐོབ།

1949 ལོར་མོ་སུ་ཁོ་(Moscow)རུ་ཚོགས་པའི་འཛམ་གླིང་དམངས་གཙོ་བུད་མེད་མནའ་འབྲེལ་ཚོགས་འདུའི་སྟེང་དབྱི་ཐ་ལིའི(Italy)བུད་མེད་མནའ་འབྲེལ་གྱི་ཨུ་ཡོན་ཧཱེ་ལོན•ཇེ་ཕོ་ལོ་ལགས་ཀྱིས1942 ལོའི་ཟླ 6 ཚེས10 ཉིན་འཇར་མན་དུ་དམར་གསོད་བྱས་པའི་བྱིས་པ་རྣམས་ལ (སྐབས་དེར་བྱིས་པ་88 དམར་གསོད་བཏང་།) རྗེས་དྲན་ཆེད་འཛམ་གླིང་བྱིས་པའི་དུས་ཆེན་དེ་ངེས་པར་དུ་སྤྱི་ཟླ་6 ཚེས1ཉིན་སྲུང་བརྩི་བྱེད་དགོས་པའི་དགོངས་ཚུལ་བཏོན་པ་ལྟར་གྲོས་ཚོགས་སྟེང་དེ་ལྟར་གཏན་འབེབས་བྱས།

1954 ལོའི་ཟླ12 ཚེས 14 ཉིན་མཉམ་འབྲེལ་རྒྱལ་ཚོགས་སློབ་གསོ་ཚན་རིག་རིག་གནས་རྩ་འཛིགས་ཀྱིས་སྤྱི་ཟླ་11 ཚེས་20 འཛམ་གླིང་བྱིས་པའི་དུས་ཆེན་（The Universal Children's Day)་ཉིན་མོར་ཐག་བཅད།

དེང་སྐབས་འཛམ་གླིང་སྟེང་རྒྱལ་ཁབ་མང་ཆེ་བས་འཛམ་གླིང་བྱིས་པའི་དུས་ཆེན་དེ་སྤྱི་ཟླ་6 ཚེས1 ཉིན་སྲུང་བརྩི་བྱེད་ཀྱིན་ཡོད་ལ་ཡང་རྒྱལ་ཁབ་ཁ་ཤས་ཀྱིས་སོ་སོའི་རིག་གཞུང་ལ་གཞི་བཅོལ་ཏེ་ཟླ་ཚེས་མི་འདྲ་བའི་ནང་དུས་ཆེན་འདི་སྲུང་བརྩི་བྱེད་བཞིན་ཡོད་པ་རེད།

གསོ་རིག་རྒྱུན་ཤེས་འཕྲིན་སྟེགས།

医学常识平台

གངས་ཅན་ཕན་བདེའི་གསོ་དཔྱད་གཞུང་ལུགས་འདི། །

བློ་དམན་བདག་འདྲས་གཞལ་བར་མི་ནུས་ཀྱང་། །

ཟས་སྤྱོད་སྤང་བླང་རྩྭ་རྩེའི་ཟིལ་པ་ཙམ། །

གསོ་རིག་འཕྲིན་སྟེགས་འདི་ནས་འོས་སྦྱོར་བྱ། །

People who liked this content also liked