【བརྙན】འདི་དག་ལས་ནུས་པ་ཆེས་ཆེ་བ་དེ་སུ་ཡིན་ནམ།

      ལོ་རེ་རེའི་སིལ་ཏོག་འགྲན་སྡུར་གྱི་འགོ་བརྩམས་བྱུང་། ཐོག་མར་གཏམ་བཤད་གནང་མཁན་ནི་བུ་མོ་ངང་ལག་རེད། ཁོ་མོས་“འདིར་བཞུགས་ཀྱི་སྐུ་མགྲོན་རྣམ་པ་བདེ་མོ། དེ་རིང་འདི་ནས་བདག་གིས་ཁྱེད་ཅག་ལ་ངང་ལག་གི་དགེ་མཚན་བཤད་པར་བྱ། འོན་ཀྱང་དགེ་མཚན་རེ་རེ་བཤད་ན་ཧ་ཅང་མང་བས་ནང་གི་གཅིག་བཤད། དེ་ནི་ངང་ལག་གིས་དུས་ཚོད་ཆེས་ཐུང་ངུའི་ནང་དུ་མི་རྣམས་ལ་ཀ་རའི་རྒྱུ་ཆ་མཁོ་སྤྲོད་བྱེད་ཐུབ། ལྷག་པར་དུ་ལུས་རྩལ་བ་རྣམས་ངེད་ཅག་ལ་ཤིན་ཏུ་དགའ་”ཞེས་བཤད།

  སྐབས་དེར་སྟར་ཀ་མདུན་དུ་སླེབས་ཏེ་སྐད་ཆེན་པོས་“ཁྱེད་ཅག་གི་དགེ་མཚན་ལ་ཧ་ལས་རྒྱུ་མི་འདུག བདག་གིས་མི་ལ་དྲོད་ནུས་སྦྱིན་ཐུབ་པར་མ་ཟད་ནད་འཇོམས་པའི་ནུས་པའང་ལྡན།”ཞེས་བཤད་མ་ཐག་ཚོགས་ར་ཡོངས་ཟང་ཟིང་ལང་ལོང་དུ་གྱུར་སོང་།