ཀུ་ཤུའི་གློག་ཀླད་དུ་སྤྱོད་རུང་བའི་ཧི་མ་ལ་ཡའི་བོད་ཡིག་གཏག་ཐབས།

　　སྤྱིར་ན་ཀུ་ཤུའི་གློག་ཀླད་ནང་དུ་བོད་ཡིག་གི་ཡིག་གཟུགས་སྣ་ཁ་གཉིས་དང་མཐེབ་ གཞོང་ལ་སྣ་ཁ་གསུམ་འདུས་གྲུབ་བྱས་ཡོད་མོད། འོན་ཀྱང་སྐར་ཁུང(Windows)རྒྱུད་ཁོངས་ལ་གོམས་ལོབས་སུ་སོང་བའི་སྤྱོད་མཁན་ཞིག་ ལ་མཚོན་ན་ཕྲ་མཉེན་ཧི་མ་ལ་ཡའི་མཐེབ་གཞོང་དེ་ལ་ཅུང་བྱང་ཡོད་པས། ཐོག་མར་ཀུ་ཤུའི་གློག་ཀླད་ལ་འཇུག་དུས་སུ་ཧི་མ་ལ་ཡའི་མཐེབ་གཞོང་ཞིག་ཀྱང་ཡོད་ ན་ཅི་མ་རུང་སྙམ་གིན་ཡོད་པ་རེད།

　　ད་ལྟ་མིང་ལLiu Shiཟེར་བའི་མི་ཞིག་གིས་ཀུ་ཤུའི་གློག་ཀླད་ནང་དུ་ཆེད་དུ་སྤྱོད་རུང་བའི་ཧི་མ་ ལ་ཡའི་མཐེབ་གཞོང་ཅིག་བཟོས་ཡོད་པ་དང་། མཉེན་ཆས་འདི་རིན་མེད་མཁོ་སྤྲོད་བྱེད་ཀྱིན་ཡོད་པས་ན་ལྷན་རྒྱས་ཀྱིས་འདི་ནས་ ཕབ་ལེན་བྱེད་ཆོག་གིན་ཡོད།

　　ཕབ་ལེན་གནས། MacHimalayaTibetanKeyboard.zip
མཉེན་ཆས་ཕབ་ལེན་གྲུབ་རྗེས་ཐོག་མར་བཙིར་གནོན་ལས་གྲོལ་དགོས་པ་དང་། དེ་ནས་གཤམ་གྱི་དཔེ་རིས་ལྟར།

　　ཡིག་ཆ་དེ་གཉིས་འདྲ་བཤུའམ་མཁོ་ཕབ་བྱེད་དགོས།

　　ཡིག་ཆ་སྦྱར་སའི་ལམ་ཐིག་གསལ་སྟོན།

　　དེ་ལྟར་གྲུབ་རྗེས་ཁྱེད་ཀྱི་གློག་ཀླད་ཁྲོད་དུ་ཧི་མ་ལ་ཡའི་མཐེབ་གཞོང་སྒྲིག་འཇུག་བྱས་ཟིན་པ་དང་། མཛུབ་གནོན་ཁྲོད་དུ་ཁ་སྣོན་བྱེད་ཚུལ་ནི་ཕལ་ཆེར་ཁྱེད་རང་གིས་ཀྱང་མཁྱེན་སྲིད་ན་ཐང་། གཤམ་གསལ་ལྟར།

　　མཛུབ་གནོན་ཁ་སྣོན་བྱེད་པ།

　　Tibetan-Himalaya ཅེས་པ་དེ་འདེམས་པ།

　　
དེ་ནི་ཧི་མ་ལ་ཡའི་མཐེབ་གཞོང་ངོ་།།