དཀར་ཟས་ལ་རོལ་བའི་དགེ་མཚན་ཆེན་པོ་བདུན།

          རྒྱལ་སྤྱིའི་དཀར་ཟས་ཉིན་མོ་དང་དཀར་ཟས་རོལ་བའི་དགེ་མཚན་ཆེན་མོ་བདུན།  རྒྱལ་སྤྱིའི་དཀར་ཟས་ཉིན་མོའམ་དུས་ཆེན་འདི་ནི་༡༩༨༦ལོར་ཐོག་མར་རྒྱ་གར་ནས་དར་བའི་དུས་ཆེན་ཞིག་ཡིན་ལ།ཐོག་མར་༼འཛམ་གླིང་དམར་མེད་ཉིན་མོ་༽ཞེས་འབོད། ལོ་རེའི་སྤྱི་ཟླ་༡༡ཚེས་༢༥་ལ་གཏན་ཁེལ་གནང་འདུག་ཅིང་། རིམ་བཞིན་དར་ནས་འཛམ་གླིང་རང་བཞིན་ཅན་གྱི་དུས་ཆེན་ཞིག་ཏུ་གྱུར་ལ། 

          ཉིན་འདིར་འཛམ་གླིང་གི་ས་ཁུལ་སོ་སོའི་བཤས་ར་མང་པོས་གསོད་མཚམས་འཇོག་ཅིང་། ཟ་ཁང་དང་སྨན་ཁང་། བཙོན་ཁང་སོགས་ཀྱིས་ཀྱང་དཀར་ཟས་འབའ་ཞིག་འདོན་སྤྲོད་བྱེད། ལོ་དེར་མི་གྲངས་ས་ཡ་དགུ་དང་ལྔ་འབུམ་ལ་འགུལ་སྐྱོད་འདི་དང་ལེན་བྱེད་དུ་བཅུགས་སོ།།

          མི་རྣམས་ཀྱིས་དཀར་ཟས་ཀྱི་བྱེད་སྟངས་སྤྱད་ནས་འཚེ་བའི་རྣམ་པ་མཐའ་དག་སྤང་བའི་རེ་བ་ཡོད་པར་མ་ཟད། འཛམ་གླིང་ཡོངས་ཀྱི་མིའི་རིགས་ཀྱིས་ཚེ་སྲོག་ལ་གཅེས་སྐྱོང་དང་གདུང་སེམས་མཉམ་སྐྱེད་བྱེད་པའི་འབོད་སྐུལ་གནང་བར་ཡོད་ལ། དུས་མཚུངས་སུ་བདེ་ཐང་གི་བཟའ་བཏུང་གོམས་པར་གསོ་སྐྱོང་བྱེད་པར་མཆིས་སོ།།

དགེ་མཚན་དང་པོ།

 སྙིང་ཁམས་ལེགས་པོ་ཞིག་ཡོད་པ།

         ཤིང་ཏོག་དང་སྔོ་ཚལ་ནི་དབྱང་འགོག་བཅུད་རྩི་ཤ་སྟག་ཡིན་པས་སྙིང་ཁམས་དང་འཕར་རྩ་ཆེ་བ་སྲུང་ངོ་།། དེ་དག་གི་ནང་བཞུ་མཐའ་དང་ཞག་རྩིའམ་མཁྲིས་རྒྱུ་གཤེར་རྩི་སོགས་མི་འདུས་ཕྱིར།དཀར་ཟས་པའི་མཁྲིས་རྒྱུ་གཤེར་རྩིའི་བྱུང་ཚད་དམར་ཟས་པ་ལས་བརྒྱ་ཆའི་བཅུ་བཞི་ཡིས་དམའ། ཨ་རི་བའི་བཟའ་བཏུང་ཁྲོད་ཞག་རྩི་མཐོ་བ་དང་མཁྲིས་རྒྱུ་གཤེར་རྩིའི་དམར་ཟས་དང་འོ་ཟས་མང་ལ། དེ་བས་སྙིང་ཁམས་ཁྲག་རྩའི་ནད་ནི་ཨ་རི་རྒྱལ་ཁབ་ཀྱི་ལག་དམར་ཆེ་ཤོས་དེ་ཆགས་ཡོད་དོ།།

དགེ་མཚན་གཉིས་པ།

 དུག་རྒྱུ་དང་ཡོངས་སུ་བྲལ་ནས་ལུས་ཕུང་གཙང་དག་ཆེན་པོ་བཟོ་བ།

          ང་ཚོའི་བཟའ་བཏུང་ཁྲོད་བརྒྱ་ཆའི་གོ་ལྔའི་ཞིང་སྨན་གྱི་སྙིགས་རོ་ནི་ཤ་ཡི་རིགས་དང་ཉ་རིགས། འོ་མའི་རིགས་བཅས་ནས་ཐོན་པ་ཡིན། ༼ཁོར་ཡུག་སྲུང་སྐྱོབ་ལས་ཁུངས་ཀྱི་ཚོད་དཔག་གཞིར།༽ལྷག་པར་ཉ་རིགས་ལ་སྐྲན་བཟོ་བའི་༼DDT༽ལྕགས་ལྗིད་མོའི་རིགས།དེར་མ་ཟད་རྫས་དངོས་འདིའི་རིགས་རླངས་བཙོས་དང་འཁྱག་བཟོ་བྱས་པས་དུག་སེལ་ཐབས་བྲལ།འོན་ཀྱང་ཤིང་ཏོག་དང་སྔོ་ཚལ་གྱི་ཁུ་བའི་ནང་རང་བྱུང་གི་སྐྱེ་དངོས་རྫས་འགྱུར་དངོས་རྫས་ཚུད་པས་ང་ཚོའི་དུག་འདོན་པར་རོགས་བྱེད་ཐུབ་བོ།།

          ཤ་ཡི་རིགས་སྤང་བས་ནང་ཁྲོལ་མ་ལག་གི་ཚད་ལས་བརྒལ་བའི་ཐེག་ཚད་ཀྱིས་བཟོས་པའི་དུག་རྒྱུ་སེལ་བའོ།།༼ཁོར་ཡུག་འབག་བཙོག་རྫས། ཞིང་སྨན། རུལ་སུང་འགོག་རྫས།

དགེ་མཚན་གསུམ་པ།

       ཚེ་རིང་བ།

          ལཱོ་མོའོ་ལེན་སློབ་ཆེན་(Loma Linda University)གྱིས་དཀར་ཟས་རང་ལུགས་པར་ལོ་བདུན་གྱི་ཞིབ་འཇུག་ལས་གསལ་བར།དཀར་ཟས་རང་ལུགས་པ་དམར་ཟས་པ་ལས་ལོ་བཅོ་ལྔའི་ཚེ་རིང་ལ། ཞིབ་འཇུག་འདི་དག་ལ་ཀྲུང་གོའི་བདེ་ཐང་བཟོ་བསྐྲུན་༼མི་གྲངས་འབོར་ཆེན་གྱི་བཟའ་བཏུང་དང་བདེ་ཐང་ཞིབ་འཇུག་གི་སྐོར།༽གྱིས་སྔར་ལས་ལྷག་པར་ར་སྤྲོད་བྱས་ཡོད།   ང་ཚོས་ཤེས་གསལ་ལྟར། ཀྲུང་གོའི་མིས་ཞག་རྩི་མཐོ་བའི་རིགས་དང་དམར་ཟས་སྤྱོད་པ་ཧ་ཅང་ཉུང་པས། འབྲས་སྐྲན་དང་སྙིང་ཁམས་ནད་སོགས་བྱུང་བའི་ཉེན་ཁ་ཆུང་། དཀར་ཟས་པའི་བཟའ་བཏུང་དེ་ཨ་རི་བའི་ཚད་ལྡན་བཟའ་བཏུང་གི་དྲོད་ཚད་ལས་ཧ་ཅང་དམའ་བར་ཡོད་ལ། དཀར་ཟས་པར་ལུས་ཀྱི་ལྗི་ཚད་ལ་འབྲེལ་བའི་དབང་བོ་གསོ་བཅུད་མི་ལེགས་པའི་ནད་གཞིའི་རིགས་ཏེ། དཔེར་ན་སྙིང་ཁམས་ཀྱི་ནད་དང་། གཟའ་གྲིབ་ནད། གཅིན་པ་མངར་འགྱུར་གྱི་ནད་སོགས་འབྱུང་མི་སྲིད་དོ།། 

  དགེ་མཚན་བཞི་པ།

 ཁྱོད་རང་སྔར་ལས་ཆ་སྙོམས་པོར་འགྱུར་ངེས།

        སྔོ་ཚལ་ནི་ཤིང་རྫས་（纤维素）ཀྱི་རྩ་བའི་འབྱུང་ཁུངས་ཡིན་ལ། དེས་ཟོག་རོ་ལུས་ཕུང་གི་ཕྱི་རུ་འདོན་ཐུབ།དམར་ཟས་རིགས་ལ་ཤིང་རྫས་མི་འདྲེས་སོ།། ཧཱ་བོར་ཌི་སློབ་ཆེན་དང་པུ་ལེ་ཀིན་བུད་མེད་སྨན་ཁང་གཉིས་ནས་ཞིབ་འཇུག་གནང་བ་ལས་མངོན་པར། མིས་ཤིང་རྫས་མཐོ་བའི་རིགས་ཟས་ལས་བྱུང་ནད་ཀྱི་ཉེན་ཁ་བརྒྱ་ཆའི་ཞེ་གཉིས་ལས་དམའ་བ་འདུག སྔོ་ཚལ་ཕུན་སུམ་ཚོགས་པ་ལོངས་སུ་སྤྱོད་པར་རྒྱུན་འཁྱོང་བའི་མི་ལ་རྩ་ཆུ་འགག་ནད་དང་། གཞང་འབྲུམ། རྩ་འཁུམ་རང་བཞིན་རྩམ་ལོང་གི་ནད་སོགས་བྱུང་ཚད་རྒྱུན་པར་ལས་ཤིན་ཏུ་ཉུང་ངོ་།།

དགེ་མཚན་ལྔ་བ།

 ཁྱོད་ཀྱི་སྒོར་མོ་མི་ཉུང་བ་གྲོན་ཆུང་བྱེད་ཐུབ།

        སྔོ་ཚལ་དང་ཤིང་ཏོག་གིས་ཤ་ཡི་རིགས་ཀྱི་ཚབ་བྱས་ན་ལོ་གཅིག་གི་འབྲུ་རིགས་ཀྱི་རྩིས་ཐོ་ལས་ཨ་སྒོར་བཞི་སྟོང་ལྷག་ཉུང་དུ་གཏོང་པར་སྔོན་རྩིས་བྱེད་ནུས་ཤིང་། ཉིད་ཀྱིས་ཟོག་རོ་དང་མཁའ་དབུགས་བཙོག་བཟོ་ཉུང་དུ་གཏོང་བར་རོགས་རེས་བྱེད་ཆོག་ལ། ཨ་རིའི་ཡུག་ཐཱ་མངའ་སྡེ་ཡི་ཞིང་རར་ལོ་རེར་ཕག་པ་ས་ཡ་གཉིས་དང་ལྔ་འབུམ་གསོ་བཞིན་ཡོད་པ་ལས་བྱུང་བའི་ཟོག་རོ་དེ་ལོ་ཧྲིན་ཅི་གྲོང་ཁྱེར་ཡོངས་ཀྱི་སྙིགས་རོ་ལས་མང་བ་ཡོད། འདི་ནི་དེ་དག་གི་ཁྲོད་ཀྱི་ཞིང་ར་གཅིག་ཡིན་ནོ།།