ཕྱི་ཟླ ༨ པའི་ཚེས ༡༢ ཉིན་ཕིང་ཕེ་དྲ་བའི་གསར་ལམ་དུ།ཟླ་འདིའི་ཚེས ༡༡ཉིན་ཨ་རིའི་རྒྱལ་ཚོགས་དཔེ་ཁང（Library of Congress）གིས་འཇར་མན་གྱི་མཚན་ཉིད་རིག་པ་དང་སྤྱི་ཚོགས་རིག་པ་ལྗོར་ཀིན་ཧེ་པོར་མར་སི（Jurgen Habermas）དང་ཁ་ན་ཏའི་མཚན་ཉིད་རིག་པ་ཆོར་སི་ཐྲེ་ལོ（Charles Taylor）གཉིས་ལ་ད་ལོའི་ཁི་ལོའུ་ལྗི་བྱ་དགའ（Kluge Prize）ཐོབ་པ་བསྒྲགས་པའི་སྐོར་གྱི་གནས་ཚུལ་བཀོད་འདུག

　　འཛམ་གླིང་གི་མི་ཚུལ་ཕྱོགས་ཀྱི་ནོལ་བྷེ་བྱ་དགའ་རུ་འབོད་པའི་ཁི་ལོའུ་ལྗི་བྱ་དགའ་ཞེས་པ་འདིའི་མཚན་ཧྲིལ་བོར"ཚེ་གང་བོར་མི་ཚུལ་དང་སྤྱི་ཚོགས་ལ་ལག་རྗེས་ཆེ་བའི་ཇོ་ཧན་ཁི་ལོའུ་ལྗི་བྱ་དགའ"ཞེས་འབོད་ལ།གཙོ་བོ་ལོ་རྒྱུས་དང་མཚན་ཉིད།མིའི་རིག་པ།སྤྱི་ཚོགས་རིག་པ།ཆོས་ལུགས་སོགས་མི་ཚུལ་ཁྱབ་ཁོངས་སུ་ལག་རྗེས་ཆེ་བ་དག་ལ་སྤྲོད་ཀྱི་འདུག

　　བྱ་དགའ་འདི་ ༢༠༠༣ ལོར་བརྙན་འཕྲིན་གྱི“རྒྱལ་བོ”ཇོ་ཧན་ཁི་ལོའུ་ལྗི་ཡིས（John Kluge）མ་རྩ་བཏང་ནས་གསར་དུ་བཙུགས་པ་ཞིག་ཡིན་ལ། མི་ཚུལ་རིག་པའི་ནོལ་བྷེ་བྱ་དགའ་རུ་འབོད་བཞིན་ཡོད།ད་ལོའི་མི་འདི་གཉིས་ནི་བྱ་དགའ་འདི་ཐོབ་མཁན་ཨང་དགུ་བ་དང་བཅུ་བར་གྱུར། ཁོང་གཉིས་ཀྱིས་བྱ་དགའ་འདིའི་ཁྱོན་བསྡོམས་ཨ་སྒོར་ཁྲི ༡༥༠ བགོ་བཤའ་བྱས་ཆོག

ལྗོར་ཀིན་ཧེ་པོར་མར་སི（གཡོནJurgen Habermas）དང་ཆོར་སི་ཐྲེ་ལི（གཡསCharles Taylor）

　　ལྗོར་ཀིན་ཧེ་པོར་མར་སི（Jurgen Habermas）ད་ལོར་དགུང་ལོ ༨༦ ལ་སོན་ཞིང་བརྩམས་ཆོས་གཙོ་ཤོས《འབྲེལ་འདྲིས་བྱེད་པའི་གཞུང་ལུགས》དང་ཆོར་སི་ཐྲེ་ལི（Charles Taylor）ད་ལོར་དགུང་ལོ ༨༣ ཟིན་ལ། བརྩམས་ཆོས་སྐད་གྲགས་ཆོད་པ《བདག་ཉིད་ཀྱི་བྱུང་བ》ཅེས་པ་འདུག

　　ཁི་ལོའུ་ལྗི་རབས་སོ་སོའི་བྱ་དགའ་ཐོབ་མཁན།

· ༢༠༠༣ ལོར།ཕོ་ལན་གྱི་མཚན་ཉིད་རིག་པ་ཁོ་ཝ་ཧི་ཧྥུ་ཅི（Leszek Ko akowski）

· ༢༠༠༤ ལོར།ཅེ་རུས་སློབ་ཆེན་གྱི་ལོ་རྒྱུས་མཁས་ཆེན་ཕཱ་ལི་ཁན（Jaroslav Pelikan）དང་ཧྥ་རན་སིའི་མཚན་ཉིད་རིག་པ་ཕོ་ལུའུ་རེའི་ཁི（Paul Ric ur）ལ་ཐོབ།

· ༢༠༠༦ ལོར་ཐེ་ཝན“ཀྲུང་འཇུག་གླིང”གི་ཡུའུ་ཡུན་ཧྲིན་དང་།ཨ་རིའི་ལོ་རྒྱུས་པ་ཇོ་ཧན་ཧྥུ་རན་ཁི་ལིན（John Hope Franklin）ལ་ཐོབ།

· ༢༠༠༨ ལོར།རྒྱ་གར་གྱི་ལོ་རྒྱུས་རིག་པ་རམ་ཐྲ་ཕར（Romila Thapar）དང་དབྱིན་ཇིའི་ལོ་རྒྱུས་པ་ཕེ་ཐྲིར་པོར（Peter Brown）ཐོབ།

· ༢༠༡༢ ལོར།བྷ་རེ་ཟེ་ཡི་སྤྱི་ཚོགས་རིག་པ་དང་ཆབ་སྲིད་རིག་པ་བ་ཧྥེན་ནན་དྷོ་ཁར་དོ་སོ（Fernando Henrique Cardoso）ལ་ཐོབ་ཡོད།

　　ཁ་བྱང་ཕྱི་མོ། རྒྱལ་སྤྱིའི"ཁི་ལོའུ་ལྗི"མི་ཚུལ་བྱ་དགའ་ཧེ་པོར་མར་སི་དང་ཐྲེ་ལོར་ཐོབ།

(རྩོམ་འགན་པ། དབང་འདུས།)