སྤྱི་ལོ2016ལོའི་ཟླ4པའི་ཚེས11ཉིན། ཨཱ་ལི་པ་པ་ཚོགས་པའིCEOཀྲང་ཡུང་གིས་ཅང་ཧྥང་(དེ་སྔའིCPOགཞོན་པ)ཨཱ་ལི་པ་པ་ཚོགས་པའི་དབུ་བཞུགས་ཤེས་ལྡན་མི་སྣར་བསྐོ་གཞག་བྱ་རྒྱུའི་ཁྱབ་བསྒྲགས་བྱས་པ་རེད། ཅང་ཧྥང་གིས་ཕིན་ལེ་ཡི་རྒྱུག་མཐུད་དབྱུག་པ་བཟུང་སྟེ། ཨཱ་ལི་པ་པ་ཚོགས་པའི་ཤེས་ལྡན་མི་སྣ་དང་རྩ་འཛུགས་རིག་གནས་འཕེལ་རྒྱས་ཀྱི་ཐབས་ཇུས་དང་ལག་བསྟར་ལ་ཕྱོགས་ཡོངས་ནས་འགན་འཁུར་དགོས་ལ། ཕེན་ལེ་ཨཱ་ལི་པ་པ་ཚོགས་པའི་ལས་གནས་ལས་བུད་རྗེས་གྲོག་མ་དངུལ་རྩའི་ཞབས་ཞུའི་ཚོགས་པའི་ལས་དོན་ནང་ཞུགས།

སྤྱི་ལོ2016ལོའི་ཟླ4པའི་ཚེས13ཉིན། ཨཱ་ལི་པ་པ་དང་གྲོག་མའི་གསེར་ལྭ་གཉིས་ཀྱིས་འཐབ་ཇུས་མཉམ་ལས་ཀྱི་གྲོས་ཆིངས་དངོས་སུ་བཞག་ནས་ཨ་སྒོར་དུང་ཕྱུར12.5བཏང་། དེའི་ནང་ཨཱ་ལི་པ་པས་མ་འཇོག་ཨ་སྒོར་དུང་ཕྱུར9ཟིན་པ་དང་གྲོག་མའི་གསེར་ལྭ་ཀྱིས་ཨ་སྒོར་དུང་ཕྱུར3.5ཟིན་ཡོད།

སྤྱི་ལོ2017ལོའི་ཟླ2པརBrand Financeཡིས་སྤྱི་ལོ2017ལོའི་ལོ་འཁོར་གཅིག་གི་གོ་ལ་ཧྲིལ་པོའི་སྤུས་རྟགས་རྩེ་གྲས500ཡི་མིང་ཐོ་ཁྱབ་བསྒྲགས་བྱས་པ་དང་ཨཱ་ལི་པ་པའི་མིང་གྲལ23པ་རེད།

སྤྱི་ལོ2017ལོའི་ཟླ2པའི་ཚེས4ཉིན། ཨཱ་ལི་པ་པ་ཚོགས་པའི་ཨོ་སི་ཁྲུ་ལི་ཡའི་ནེའུ་ཙི་ལན་སྤྱི་ཁྱབ་པུའུ་ཡི་སྒོ་འབྱེད་མཛད་སྒོ་དེ་ཨོ་སི་ཁྲུ་ལི་ཡའི་ནན་ཝུའེ་ཧྲེ་ཀྲོའུ་གསར་པར་འཚོགས་པ་རེད།

སྤྱི་ལོ2017ལོའི་ཟླ8པའི་ཚེས3ཉིན། སྤྱི་ལོ2017ལོའི“ཀྲུང་གོའི་དྲ་སྦྲེལ་ཁེ་ལས་སྟོབས་ཆེན100”ཡི་མིང་ཐོ་ཁྱབ་བསྒྲགས་བྱས་པ་དང་ཨཱ་ལི་པ་པ་མིང་གྲལ་གཉིས་པར་ཚུད་ཡོད།        སྤྱི་ལོ2018ལོའི་ཟླ2པའི་ཚེས1ཉིན། ཨཱ་ལི་པ་པས་གྲོག་མའི་གསེར་ལྭའི་རྐང་དབང33%ཉོ་སྒྲུབ་བྱ་རྒྱུའི་མོས་མཐུན་ཁྱབ་བསྒྲགས་བྱས་པ་རེད།

སྤྱི་ལོ2018ལོའི་ཟླ2པའི་ཚེས5ཉིན། བན་ཏ་ཚོགས་པའི་བརྡ་ཐོ་ལྟར་ན། ཨཱ་ལི་པ་པ་ཚོགས་པ་དང་རིག་གནས་མ་འཇོག་མ་རྐང་ཚོད་འཛིན་ཚད་ཡོད་ཀུང་ཟི་གཉིས་ཀྱིས་བན་ཏ་ཚོགས་པ་དང་པེ་ཅིང་དུ་འཐབ་ཇུས་མ་འཇོག་གི་གྲོས་ཆིངས་བཞག ཨཱ་ལི་པ་པ་དང་རིག་གནས་མ་འཇོག་མ་རྐང་ཚོད་འཛིན་ཚད་ཡོད་ཀུང་ཟིས་མ་རྐང་རེར་སྒོར96བཏང་ནས་བན་ཏ་ཚོགས་པའི་བན་ཏ་གློག་བརྙན་གྱི་མ་རྐང12.77%ཉོ་སྒྲུབ་བྱ་རྒྱུའི་སྤྱི་བསྒྲགས་བྱས། དེའི་ནང་ཨཱ་ལི་པ་པས་མ་དངུལ་སྒོར་དུང་ཕྱུར46.8བཏང་བ་དང་རིག་གནས་མ་འཇོག་མ་རྐང་ཚོད་འཛིན་ཚད་ཡོད་ཀུང་ཟིས་མ་དངུལ་སྒོར་དུང་ཕྱུར31.2བཏང་ནས་བན་ཏ་གློག་བརྙན་གྱི་རྐང་བདག་ཆེ་གྲས་གཉིས་པ་དང་གསུམ་པར་གྱུར་པ་དང་། བན་ཏ་ཚོགས་པས་སྔར་བཞིན་བན་ཏ་གློག་བརྙན་མ་རྐང་ཚོད་འཛིན་གྱི་རྐང་བདག་ཡིན་པ་དང48.09%ཡི་མ་རྐང་བཟུང་ཡོད།

སྤྱི་ལོ2018ལོའི་ཟླ9པའི་ཚེས7ཉིན། མཱ་ཡུན་དང་མའོ་ཐའེ་ཚོགས་པའི་ཏང་ཨུ་ཡི་ཧྲུའུ་ཅི་དང་ཏུང་ཧྲི་ཀྲང་ལི་པའོ་ཧྥང་གཉིས་ཀྱིས་སྔ་རྗེས་སུ་ཚོགས་པ་གཉིས་དབར་སྔར་བས་འཐབ་ཇུས་མཉམ་ལས་བྱ་རྒྱུའི་སྐོར་གླེང་མོལ་བྱས།

སྤྱི་ལོ2018ལོའི་ཟླ9པའི་ཚེས10ཉིན། མཱ་ཡུན་གྱིས་ཨཱ་ལི་པ་པ་ཚོགས་པའི་ཏུང་ཧྲི་ཅུས་ཀྱི་ཀྲུའུ་ཞིའི་འགན་མི་འཁུར་བ་དང་། བློ་མཐུན་ཀྲང་ཡུང་གིསCEOཡི་འགན་ཁུར་ཞེས་ཁྱབ་བསྒྲགས་བྱས།

སྤྱི་ལོ2019ལོའི་ཟླ3པར། NBAཀྲུང་གོ་དང་ཨཱ་ལི་པ་པ་གཉིས་ཀྱིས་འཐབ་ཇུས་མཉམ་ལས་ཀྱི་གྲོགས་པོའི་འབྲེལ་བ་རིམ་སྤོར་བྱས་ཏེ། NBAབརྙན་ལམ་ནང་དོན་དང་ལེ་ཚན་བརྒྱུད་སྤེལ། དྲ་ཐོག་ཚོང་དོན་དང་གྲངས་གཞི་ཆེ་མོ་སོགས་ཀྱི་ཐད་ཕྱོགས་ཡོངས་ནས་མཉམ་ལས་བྱ་རྒྱུ་ཡིན་ཞེས་ཐུན་མོང་གིས་ཁྱབ་བསྒྲགས་བྱས་པ་རེད།