（1820—1910）Florence Nightingale
ནན་ཏེང་ཀེར་ནི（1820—1910）དབྱིན་ཇིའི་ནད་གཡོག་མ་དང་། ཉེ་རབས་ནད་སྐྱོང་རིག་པ་དང་ནད་གཡོག་སློབ་གསོའི་རྨང་འདིང་མཁན་བཅས་ཡིན།
1854ལོ་ནས་1856ལོའི་བར་ནན་ཏིང་ཀེར་གྱིས་ཁེ་ལི་མི་ཡའི་དམག་འཁྲུག་ནང་དམག་སའི་སྲོག་སྐྱོབ་ལས་དོན་སྤེལ་ནས་རྨས་མ་ཤི་ཚད་50%ནས་2.2%བར་ཆག་པ་དང་། རྨས་མ་དང་ནད་པའི་སྨན་བཅོས་དང་འཚོ་བ་ལེགས་སུ་གཏོང་རྒྱུར་ལེགས་སྐྱེས་ཕུལ་ཡོད། མཚན་མོ་རེར་ཁོང་གིས་སྣུམ་སྒྲོན་ཐོགས་ནས་ནད་ཁང་དུ་སྐོར་ཞིབ་ལ་སྐྱོད་སྐབས་རྨས་མ་ཚོས་ཁོང་གི་གཟུགས་བརྙན་ལ་འོ་བྱས་ཏེ་ཁོང་ལ་གུས་ལུགས་ཞུ་བར་མ་ཟད། བྱམས་བརྩེའི་ངང་ནས་ཁོང་ལ“སྒྲོན་འདེགས་བུད་མེད”ཅེས་འབོད་ཀྱི་ཡོད།
1907ལོར་ལོན་ཏོན་དུ་འཚོགས་པའི་རྒྱ་གྲམ་དམར་པོའི་རྒྱལ་སྤྱིའི་ཚོགས་ཆེན་སྐབས་བརྒྱད་པའི་ཐོག་ནན་ཏིང་ཀེར་གཟེངས་རྟགས་བཙུགས་ནས་རྒྱལ་ཁབ་ཁག་གི་སྨན་གཡོག་ལ་རྒྱལ་སྤྱིའི་མཚན་སྙན་མཐོ་ཤོས་བསྩལ་ནས་སྐུལ་ལྕག་གནང་རྩིས་བྱས་ཤིང་། 1912ལོར་ནན་ཏིང་ཀེར་གྲོངས་རྗེས་ཀྱི་ལོ་གཉིས་པ་སྟེ། ཧྭ་ཧྲེང་ཏུན་དུ་འཚོགས་པའི་རྒྱ་གྲམ་དམར་པོའི་རྒྱལ་སྤྱིའི་ཚོགས་ཆེན་སྐབས་དགུ་པའི་ཐོག་ནན་ཏིང་ཀེར་གཟེངས་རྟགས་སྤྲོད་རྒྱུར་དངོས་སུ་གཏན་འཁེལ་བྱས་པ་རེད།
སྒྲིག་སྲོལ་ནང་གཏན་འཁེལ་བྱས་པ་ལྟར། ནན་ཏིང་ཀེར་གཟེངས་རྟགས་ལོ་གཉིས་རེར་ཐེངས་རེ་སྤྲོད་དགོས་པ་དང་ཐེངས་རེར50ལས་བརྒལ་མི་ཆོག་ཅིང་། རྒྱལ་ཁབ་ཁག་གི་ཕུལ་བྱུང་ནད་སྐྱོང་ལས་དོན་པར(རང་སྲོག་བློས་བཏང་བའི་ནད་སྐྱོང་ལས་དོན་པ་ཚུད་པ)གནང་ནས་ཁོང་ཚོས་དུས་རྒྱུན་ནམ་ཡང་ན་དམག་འཁྲུག་སྐབས་ཀྱི་ཕུལ་བྱུང་གྲུབ་འབྲས་དང་ལེགས་སྐྱེས་འབུལ་བའི་སྙིང་སྟོབས་ལ་གཟེངས་བསྟོད་བྱེད་པ་དང་། གཟེངས་རྟགས་གནང་བའི་ཞིབ་ཕྲའི་ལས་དོན་རི་ནེ་ཝའི་རྒྱ་གྲམ་དམར་པོ་ཚོགས་པའི་རྒྱལ་སྤྱིའི་ཨུ་ཡོན་ལྷན་ཁང་གིས་གཙོ་སྐྱོང་བྱེ་དགོས། ནན་ཏིང་ཀེར་གཟེངས་རྟགས་བཙུགས་པ་ནས་2007ལོར་བར་བྱ་དགའ་སྤྲོད་པའི་དཔྱད་བསྡུར་བྱེད་སྒོ་སྐབས་41སྤེལ་བ་དང་འཛམ་གླིང་ཡོངས་ཀྱི་ནད་གཡོག་ལས་རིགས་ཀྱི་མི་སྣ་1309ལ་བྱ་དགའ་ཐོབ་པ་རེད། ཀྲུང་གོའི་རྒྱ་གྲམ་དམར་པོ་ཚོགས་པས་སྐབས་29པའི་དཔྱད་འདེམས་ནང་ཞུགས་ཚུན་རང་རྒྱལ་གྱི་ཕུལ་བྱུང་ནད་གཡོག་ལས་དོན་པ་48འོས་སྦྱོར་བྱས་ནས་གཟི་བརྗིད་མཚན་སྙན་དེ་ཐོབ་ཡོད།
《ཧྥོ་ལུའོ་ལུན་སི·ནན་ཏིང་ཀེར་གྱི་སྒྲིག་སྲོལ》གྱི་གཏན་འབེབས་ལྟར་ན། བྱ་དགའ་ཐོབ་པའི་མིང་ཐོ་ཁྱབ་བསྒྲགས་བྱས་རྗེས་ལོ་དེར་བྱ་དགའ་སྤྲོད་པའི་མཛད་སྒོ་གཟབ་རྒྱས་འཚོགས་ཏེ་རྒྱལ་ཁབ་ཁག་གི་འགོ་ཁྲིད་པ་སྐུ་ངོ་མས་བྱ་དགའ་གནང་བ་དང་འབྲེལ་རྒྱ་ཁྱབ་ངང་དྲིལ་བསྒྲགས་བྱས་ཏེ་རྒྱ་ཆེའི་ནད་སྐྱོང་ལས་དོན་པར་ལྕག་སྐུལ་བྱེད་དགོས།
